20‏/10‏/2010
167 التعليقات

فيديوهات وقصائد للشاعر هشام الجخ

6:44 م

الشاعر / هشام الجخ
قصائد وفيديوهات

هشام الجخ



هشام الجخ


من هو هشام الجخ

هو " هشام كامل عباس محمود الجخ " شاعر مصري لقبه " هويس الشعر العربي "


ماكتبه هشام الجخ عن نفسه 
( نقلا عن جروبه علي الفيس بوك )


" ازيكم جميعا اولا
بصوا بقى
الناس عايزاني اكتب هنا ( سي في) خاص بيا وبتاع
وانا مليش في الحاجات دي
من الاخر مبعرفش اتكلم عن نفسي كويس
لكن ما علينا
انا هشام الجخ
هشام الجخ بس
حاقعد اقول سافرت وحصلت وعملت ؟؟؟
حاسس انها شكل من اشكال (السهوكة) الغير مبررة
عموما
اسمي بالكامل
هشام كامل عباس محمود الجخ مهدي محمد علي سالم ابو جاموس
عمامي من قنا وخوالي من سوهاج
اتربيت في سوهاج ودخلت كلية التجارة هناك
كانت اياميها تبع جامعة اسيوط
حولت لجامعة عين شمس واتخرجت منها سنة 2003 وعملت دراسات عليا في ادارة الاعمال في جامعة عين شمس
اتعينت في الجامعة مسؤول عن المركز الثقافي في نفس سنة التخرج واستقلت من الجامعة في 11/ 2009
ومحدش يقول لي ليه
انا منفعش ابقى موظف من الاخر
مواليد اول اكتوبر برج الميزان يعني
بسمع حنان ماضي وانغام وشيرين ووائل جسار
بعشق منير ومارسيل خليفة وكاظم الساهر
بموت في ام كلثوم .. لكن كوكب الشرق عندي فيروز طبعا
بكتب شعر على مهلي
على مهلي جدا
بحترم الشعر
بحب الشعر وبذاكره وبهتم بيه ومش بقوله غير وانا عايز اقوله
بعشق عيون الناس وهي بتلمع وانا واقف على خشبة المسرح
وبموت في كلمة الله لما تطلع من الناس
وامنية حياتي اني لما اموت .. العالم كله يعرف ان هشام الجخ مات
اظن كدة كفاية كلام
تحياتي ؛
هشام الجخ "



بعض من قصائد هشام الجخ

قصيده انطردي الان من الجدول





كلمات قصيده انطردي الان من الجدول

" انطردي الآنَ من الجدولْ

موتي فالكلُّ هنا ماتوا وأنا اعتدتُ حياتي أَرْمَلْ
واعتدتَ الهَجرَ بلا سببٍ وبرغمِ الحيرةِ لم أسألْ
وظلَلْتُ أسجِّلُ أسماءً وأسطِّرُ خاناتِ الجدولْ

ضُنِّي إحساسَكِ ما شئتِ فأنا مَلِكٌ لا أتوسَّلْ
لا أبكي لفراقِ حبيبٍ أو أترجَّى أو أتذلَّلْ
رقةُ شِعري قَوْلٌ إفكٌ فَفُؤادي مِن صَخْرٍ جَنْدَلْ
علَّقتُ نساءً في سَقْفِي وجلسْتُ فخورا أتأمَّلْ
وغزوتُ عُيوناً لا تُغْزَى غافلتُ رموشاً لا تَغْفَلْ
و زَرَعْتُ النُّسوةَ في أرضٍ لا آخرَ فيها أَوْ أَوَّلْ
ديكتاتوريا إن أُعْطِي ديكتاتوريا إن أَبْـخَلْ
وَقَّعْتُ - أَنَا - صَكَّ الهَجْرِ فالحاكِمُ يَعْزِلُ لا يُعْزَلْ

فانطردي الآن من الجدول

غِيبِي فَلَكَمْ قَبْلَكِ غابوا لا شيءَ يَـجِيءُ وَ لا يَرْحَلْ
ما الوردُ إذنْ لَوْ لَمْ يَذْبُلْ ؟؟ ما الشمسُ إذنْ لو لم تَأْفُلْ ؟؟
لا تَنْتَظِرِينِي نَسْنَاساً أَقْبَلُ يَوْمَاً أن أتَسَلْسَلْ
وَ يَـجِيءَ الناسُ إلى قَفَصِي لِيَـرَوْا عُشَّاقاً تَتَـحَوَّلْ
تتقافزُ كالقِرَدةِ عِشْقَاً وَ تَـمُوتُ هَيَاماً وَ تُوَلْوِلْ
لُمِّي أشياءَكِ و ارتَـحِلِي بَحثاً عن آخرَ قَدْ يَقْبَلْ
أمَّـــايَ .. فلا ثَمَنٌ عِنْدَكِ تَقْبَلُهُ يدايَ لِتَتَكَبَّلْ
إن كان غرامُكِ لِي نَبْعَاً فَنِسَاءُ الدنيا لي مَنْهَلْ
وَ الجدولُ مُكْتَظٌّ جِدَّاً بِكَثِيرٍ مِثْلِكِ بَلْ أجمَلْ

فانطردي الآن من الجدول

غِيبِي وَ تَمَادَيْ في جَهْلٍ فأنا لا أعشقُ مَنْ يَجْهَلْ
إني بَحَّارٌ تَرْفُضُنِي كُلُّ الشُطْآنِ فَأَتَنَقَّلْ
اِعتدتُ السفرَ على مَضَضٍ وَ قَضَيْتُ حياتي أَتَجَوَّلْ
أرتشفُ بلاداً ونساءً فَهُنـا عَسَلٌ وهُنا حَنْظَلْ
و هنا عِشْتُ كَلِصٍ نَذْلٍ وَ هُنَا كُنْتُ نَبِيَّاً يُرْسَلْ
و هنا ذَبَحُوا شِعري عَمْدا وهنا شعري صارَ يُرَتَّلْ
وأنا والغُربةُ ما زِلْنَا نبحثُ عن وطنٍ لِنُظَلَّلْ
صادقتُ الغُربةَ في الغربةِ وقضيتُ سنيناً أَتَعَلَّلْ
بَرَّرْتُ جميعَ حماقاتي وَ ظَنَنْتُ بأني أتَجَمَّلْ
اليومَ أُزِيلُ عباءاتي وَ أُكَشِّفُ عن وجهي الأَوْحَلْ
مَلِّي عينيكِ بِلاَ خَجَلٍ فأنا الـمَوحولُ ولا أخجلْ
أَغْرَتْنِي أحلامُ الصِّبْيَةِ فَعَدَوْتُ إلى حُلْمِي الأمْثَلْ
وَ بدأتُ السفرَ بلا زادٍ وظننتُ بأني أتعجَّلْ
وَ نسيتُ اللهَ.. فأَهْمَلَنِي مَنْ ينسَى اللهَ وَ لا يُهْمَلْ ؟
حُمِّلْتُ بأثقالِ الدُّنيا أهربُ مِنْ ثِقْلٍ للأثقَلْ
و التفَّتْ طُرُقِي مِنْ حَوْلِي واختلطَ الأَقْصَرُ بالأَطْوَلْ
واخْتَلَطَتْ أحْرُفُ لافِتَتِي فَوَقَفْتُ مَكَاني كالأخْطَلْ
لَمْ أُسْطِعْ أن أُكْمِلَ سَيْرِي فجلستُ وحيداً أَتَسَوَّلْ
وَ بَنَيْتُ مَزَاراً وَ مَبِيتاً لا يَصْلُحُ إلاَّ لَلثُّمَّلْ
وَ قضيتُ حياةً واهِنَةً لا تَسْوَى في نَظَرِي خَرْدَلْ
فَعَلامَ تُرِيدِينَ بُكَائِي ؟ وَ أنا ذو قلبٍ مُسْتَعْمَلْ
أَبْلاَهُ الماضي لم يَتْرُكْ شيئاً لِبَلاءِ الـمُستقبَلْ

لا تَتَّهِمِينِي في عِشقِي فأنا أعشقُ حتَّى أُنْحَلْ
والجملُ وإن يعطشْ يصبِرْ وَ كَفِعْلِ الجَّمَلِ أنا أفعَلْ
أَهْلِكْتُ شَبابي وسنيني فَرَمَتْ بِي في صفِّ الكُهَّلْ
وَ وقفتُ بعيداً لأشاهدَ قصةَ عُمرِي وهِيَ تُمَثَّلْ
رفعوا خنجرَهم ودموعي لم تجعلْ أحداً يَتَمَهَّلْ
والتهبَ المسرحُ تصفيقاً وأنا أُطْعَنُ وأنا أُقْتَلْ
فَعَلامَ تظنينَ بِأنِّي آتٍ مِحْرابَكِ أتَبَتَّلْ ؟؟
دَوْرُكِ في الـمَشْهَدِ فَرْعِيٌّ بِوُجُودِكِ أو دُونَكِ يَكْمَلْ
وَكِلانا مكتوفُ الأيدي وَ سِتارُ المسرحِ لا يُسْدَلْ
والـحُكْمُ الصادِرُ في أمرِي حُكْمٌ فَصْلٌ لا يَتَأَجَّلْ
فدعيني في موتي وَحْدِي فأنا والغُربةُ لا نُفْصَلْ
ما دامَ الوطنُ بلا شيءٍ فالموتُ على شيءٍ أفضلْ

فانطردي الآن من الجدول



---


قصيده جحا





كلمات قصيده جحا


" شعور سخيف
إنك تحس بإن وطنك شيء ضعيف
صوتك ضعيف
رأيك ضعيف
إنك تبيع قلبك وجسمك
وإنك تبيع قلمك وإسمك
ما يجيبوش حق الرغيف
سألوا جحا عن سر ضحكه
قالك أصل اتنين وشبكو اللى كان من تحت ميت واللى كان من فوق كفيف
دا شعور سخيف
وشعور سخيف
إنك تكون رمز الشحاتة
تبنى مبنى للشحاتة
تعمل وزراة للشحاتة
يا ساقية دورى
عدى فوقى ودوسى
نصبوا عليا وشحتونى فلوسى
ربطونى فيكى .. حتى ما اتغميت
هما اللى فرحوا ووحدى أنا اتغميت
أنا اللى صاحب البيت عايش بدون لازمة ولما مرة شكيت إدونى بالجزمة
مش لاقى تطفح اديك
هاتولنا وجبولنا وادونا ودولنا
هنجيب منين نديك
طافح يابلدى غدايا
ولوعتى غدايا
وادىالاحبه التقى عدايا

أنا اللى زارعك دهب بتأكلينى سباخ
إن كان دة تقل ودلع بزيادة دلعك باخ
لا شفت فيكى هنا ولا شفت فيكى ترف
كل اللى فيكى قرف
كرامتنا متهانة
واللقمة بإهانة
بتخلفينا ليه لما انتى كارهانا
يعنى ايه تبقى إنتى هبة النيل يا مزة
وكل يوم المية تقطع
يعنى ايه لما اشتكى غلو الفاتورة
يقولو تشكى بس تدفع
لما قش الرز ثروة بتتحرق
وأما نفط الأمة ثروة بتتسرق
وأما جلادك على ولادك بيبطش
وأما علمك ما يلاقيش يآكل فيطفش
يعنى ايه نرفع ايدينا بالسلام لجل الغزاة
ويعنى ايه لما ابقى ماشى فى حالى اتشد اشتباه
يعنى ايه لما اتحبس أربع سنين حبس احتياطى حبس اعتباطى
يعنى ايه مش حاسة بالعمر وغلاوته
بتصبى مر العمر ليه
دة انا كنت ح اوهب لك حلاوته
أنا عمرى ما أتأمرت
ولا حطيت شروطى
ومكان ما ترسى مركبك بابنى شطوطى
ا نا كنت جيشك لما مماليلك باعوكى
وكنت يوسف لما عشتى سنين عجاف
وضلوعى دى اللى فى معركة قادش حموكى
وشفايفى دى اللى ما بطلتش فى يوم هتاف
دة انا كل شبر فى أرضك اتمرمغت فيه
وكل يوم عشتيه أنا اتغذبت بيه
بتكرهينى عيونك السودة وأيامى اللى فاتت
مانتيش حبيبيتى من النهاردة
حبيبتى ماتت
علا صوت أدانك جرس فى الشدة صاحينلك
من امتى كانوا الحرس هما اللى باقينلك
بعتينى علشانهم وعنيكى معصوبة
ياهلترى خاينة ولا زيى مغصوبة
كل الكلام اتقال والشعر بقى ماسخ
والصبر علو جبال والظلم شىء راسخ
وطن وغرقان فى النطاعة
كل شىء ريحته نطاعة
علمونا بالعصاية ورضعونا الخوف رضاعة
علمونا فى المدارس يعنى ايه كلمة قيام
علمونا نخاف من الناظر فيتمنع الكلام
علمونا ازاى نخاف وازاى نكش بس نسيوا يعلمونا الاحترام
فمتزعلوش لما ابقى مش باسمع كلامكم
وماتزعلوش لما ابقى خارج عن النظام
مستنى ايه من طفل ربوه بالزعاق؟
غير المشاكل والخناق
كل اللى بيقولك بحبك دول نفاق
أنا لما قلت لك بحبك كان نفاق
الحب يعنى اتين بيدوا
مش ايد بتبنى وستميت تيت تيت يهدو
الحب حالة الحب مش شعر وقوالة
الحب يعنى براح فى قلب العاشقين للمعشوقين
يعنى الغلابة يناموا فى الليل دفيانين
الحب يعنى جواب لكل المسجونين هما ليه بقوا مسجونين
يعنى أعيش علشان هدف علشان رسالة
يعنى احس بقيمتى فيكى
إنى مش عايش عوالة
يعنى لما اعرق تكافئيى بعدالة
الحب حالة الحب مش شعر وقوالة
الحب حاجة ما تتوجدش فى وسط ناس بتجيب غداها من صناديق الزبالة
بارت مراعينا
والبئر قد جفَ
والجوع يكوينا
والصبر ما كّفى
والقلب لا يهدا
والجرح لا يشفى
ولأننا طوع زنا لهم خفا
جاءوا بموكبهم
واشتغلت الزفة
الدفة مظبوطة وأصلا مافيش دفة
والكفة مش مايلة علشان مافيش كفة
و جحا اللى جاى بالليل
لساه بيتخفى
شايف ديدان الغيط
سارحة ومارحماشى
من جبنه شاف الدود سابه وراح ماشى
ولا اتكسف للناس ولا حس على طوله
الناس عشمها كبير جريوا بيشكوله
ضحك جحا ضحكة مواشى
مادام بعيد عن طينى ... ماشى
الدود قاعد لك يا جحا ولابد فى طينك
بعد ما يمص فى دمانا مش حيحلاله الا طينك
احنا اهلك احنا رجالتك أمانك
إحنا وقت الشدة سندك إحنا زادك
يا جحا احمى ولادك
لو كنت عايز تحمى طينك
سوف أرحل ربما يلقانى من ارجو لقاه
هامشى ويا الشحاتين وابكى على حلمى اللى تاه
بس مش هاشحت رغيف
هاشحت وطن لله "



---


قصيدة مش كفايه





----


قصيدة 24 شارع الحجاز





----


قصيدة البغبغان

كان يوم مَطَر ..
البغبغان جُوَّا القَفَص طَلَّع لِسانُه لعصفورين فوق الشجر ..
خَلِّيكو سايقين العناد ..
العِشّ قاد ..
وخسِرتُو ويَّاه الولاد .. لَـمَّا انفَجَر ..
هو انتو حِمْل السِيل ؟؟ ولا حِمْل المطر ؟؟
كان فيها إيه لو تِعْمِلُوا زيِّي وتقولوا زَيّ ما يقول البَشَر ؟؟..

ردُّوا علِيه العصفورين : لَوْ عَ الوِلاَد .. البَطْن ولاَّدة ..
والعِشّ مَهْمَا يقِيد ..
صخر الجبل عَنَاقِيد ..
نِفْرِشْهَا سِجَّادة ..
وانتَ اللي فرحان بالقَفَـص ..
أصْلَـك ( قَفَص ) !!..
كَتَمُوا الهوا جُوَّاك و نَسُّوك ان ما بين الحياة والموت .. نَفَس


----

قصيده انسحبوا

انسحبوا
كان الاسلكى بعيد والعسكرى مسمعش
انسحبوا
شوفوا العجب يا ولاد العسكرى مرجعش
انسحبوا
اطرش دا ولا صنم
ارجع يا جندى بياده
دخل العدوا العريش ارجع خلاص بزياده
العسكرى سامع
لكنه واد مجدع
شال اربجيهه وضحك اشمعنا انا اللى ارجع
وقف الزمن مذهول ساعتين بيشاهد
الجندى قام كبر المدفع اتشاهد
الدبابات ظهرت
ارجع يا جندى نظام
دا كان كلام القياده
ودا برضوا وقت كلام
وقف الولد ددبان
ياساده يا سمعين
صادهم كما الدبان
محروس يا واد من العين
الدبابات صفين
اتفاجؤا وافترقوا
على كتفه كان مدفع
وعلى الجبين عرقه
غطاء العفار النار
ولا حد عاد شايف
والدبابات بتهل
ودا برضوا مش خايف
الضحكه على وشه متقولش بيصيف
ولسه الزمن واقف
مبسوط ومتكيف
الدبابات كترت
والكتره غلابه
والقلب لو مؤمن ولا الف دبابه
هتقولوا مات الولد
انا قولكم لاعاش
ما الجنه ولا فيها موت
ولا تدخل ببلاش
  

 هشام الجخ
  
BGY


ساهم في نشر الموضوع :

167 التعليقات:

  1. والله انت رائع جدا يا هشام انا شاعر عاميه لكنى احس اننى احبو فى الشعر عندما اسمعك بالتوفيق دائما يا شاعر الغلابه والبسطاء

    ردحذف
  2. الله يكتر من أمثالك يارئيس جمهورية الغلابة...\\والله والله مبالغة

    ردحذف
  3. ودالفاتح السوداني((الطائف سيتي17 ديسمبر، 2010 12:41 ص

    والله صح لسانك..!!!

    ردحذف
  4. والله انت لسان كل ما هو ابكم فى هذا البلد

    ردحذف
  5. زمان اتقال
    لو لم اكن مصريا لوددت ان اكون مصريا
    يا تري دلوقتي
    ايه اللي بيتقال؟

    ردحذف
  6. سعيد عبد المقصود السيد15 يناير، 2011 10:03 م

    أشعارك يا هشام جمعت بين صعلكة أحمد فؤاد نجم وأسلوب بيرم التونسى وتشبيهلت نزار قبانى كنت أتمنى أن تكون قارئا للشعر القديم مثل أبو نواس والمتنبى وبشار بن برد
    حتى يتم التواصل بين القديم والحديث

    ردحذف
  7. الأخ هشام بجد حضرتك موهبة حقيقية تستاهل كل المساندةوالدعم من نفسك ومن كل اللى حواليك والثورة اللى جواك هى مستخبى جوه قلوب كتيرة بس انت عبرت عنها بقوة دعواتى بالتوفيق

    ردحذف
  8. اشعارك وادائك اكثر من رائع
    بالتوفيق ان شاء الله
    بس اتمنى ......انك تكون حاسس الكلام ده من جواك ونفسك البلد تتغير بجد ...ومايكونش هدفك انك تنال اعجاب الناس ؤبس لان ده بيجى على الوجيعه

    ردحذف
  9. شاعر محترم كله احساس بالمعانى ومعبر تعبير دقيق عن الام الشعب بقصائده والقءه العذب
    بارك الله له

    ردحذف
  10. يعنى اية احساسك يكون بجد طيب حتى لو مش بجد احنا حسينا اوى بجد يمكن معرفش اقول اللى انت بتقولة بس قلبى مش عارف يكون غير بس ودان بيسمعولك

    ردحذف
  11. تسلم البطن اللي شالتك وربنا يحمي اللي شبعتك من لبنها ويسلم الراجل اللي خلفقك يابن الطينة الطاهرة

    ردحذف
  12. انت شاعر جااااااااااااااااااامد لانك في زمنا ده عرفت تدخل قلوب معظم الناس وده شيء صعب جداالنهارده وكمان تحرك احاسيس ماتت من زمان ده غريب جدا

    ردحذف
  13. (اسكت يالسانى)
    لسانى المسحوب بيحوم على خربان بيتى
    بيتى المدهون بالزيت وبلاط سراميك وقيشانى
    ومراتى واطفالى البيبى
    اسكت يالسانى علشانى
    علشان يتربى البيبى فى احضانى
    ايه يعنى يضربوا غزه ولا الضفه ولا رمالله
    مهو طول عمرنا واحنا تملى نمد لبره
    ايه يعنى امريكا تحتل العالم
    اسكت يالسانى بلاش تتلائم
    اسكت يالسانى اعمل معروف
    مهى كل الناس سامعه وبتشوف
    واهى ناس ياما كتير ماتت من الخوف
    واللى بيحصل فيهم
    ولا انت عايزنى اعمل ذييهم
    واخرب بيتى المدهون بالزيت
    وبلاط سراميك وقيشانى
    ومراتى واطفالى البيبى
    ايه يعنى بغداد انهارت
    ذى كل الامه العربيه مانالت
    مين يقدر يصرخ وينادى
    ويقول انا اضحى باولادى
    وبنفسى عشانك يابلادى
    مهو كله نايم فى السكه
    خايف على نفسه وعلى الدكه
    يعنى انت اللى حتفتح عكه
    اسكت ياخى بلاش افلام
    اشتراكيه وامبراليه وشيوعيه واسلام
    ومحدش فيهم عنده ضمير ولادين
    الا كلام فى كلام
    ماهى احوالنا فى مصر كمان
    ايه يعنى شويش يضرب غلبان
    ايه يعنى طبيب يهمل عيان
    ايه يعنى قطر يفوت فى اخوه
    ايه يعنى اهمال مسؤل وسبوه
    ايه يعنى يبيعوا كل املاكنا
    ايه يعنى الاغراب يبقوا ملوكنا
    ايه يعنى الف يموتوا فى عباره
    ولاحتى اطفال تحت عماره
    ولا صخره تقع فى مقطم
    ولا مجلس شورى بيتحطم
    اسكت يالسانى بلاش تهييص
    ايه يعنى رئيس يبقالوا وريث
    ايه يعنى شله حراميه
    يدونا جنيه ياخدوه ميه
    اسكت يالسانى كده كفايه
    ودتنى فى داهيه وانا معايا
    بيتى المدهون بالزيت وبلاط سراميك
    وقيشانىومراتى واطفالى البيبى
    اسكت يالسانى علشانى
    علشان يتربى البيبى فى احضانى
    شعر / غريب الابنودى

    ردحذف
  14. ربنا معاك يا امير الشعراء باذن الله كلنا معاك يا ابن مصر هبة النيل وهى لسة حبيبتنا لسة مامتتش

    ردحذف
  15. اللة يبارك فيك ويحميك ويديك على اد ما فى قلبك يامصرى مصرى مصرى مصرى

    ردحذف
  16. بجد تستحقها لازم تكون امير الشعرااااء

    ردحذف
  17. الله الله الله الله الله عليك يا نجم مصر

    ردحذف
  18. بجد تستهال انك تكون امير الشعراء

    ردحذف
  19. أنا اللى صاحب البيت عايش بدون لازمة ولما مرة شكيت إدونى بالجزمة
    مش لاقى تطفح اديك
    هاتولنا وجبولنا وادونا ودولنا
    هنجيب منين نديك
    طافح يابلدى غدايا
    ولوعتى غدايا
    وادىالاحبه التقى عدايا

    تعرف قد ايه الناس بتفرح لما تلاقى حد يحس بيها
    حد بيحس بوجعهم وبألمهم ياريت كلنا نتوجع لوجعهم ونحس بألمهم
    تعرف انا اول مرة اسمعك لكن بجد معجبه بشعرك واحساسك فى الاداء

    تحياااتى

    ردحذف
  20. تحية سودانية لشاعر الوحدة العربية انشاء الله امير الشعراء محمدالحضرمي

    ردحذف
  21. محمود العياط6 فبراير، 2011 1:29 ص

    بص يااستاذ هشام انا عندى 16 سنه بس بعشق حاجه اسمها هشام الجخ.انت طريقتك واسلوبك وبساطك وكلماتك وكل حاجه فيك فى غاية الروعه بس الله ماشاء الله وربنا يحميك.

    ردحذف
  22. ايوه خليك ساكت احسن 0 علشان انت بتتكلم كتيير
    يا غريب 00 فاطمه الحاج

    ردحذف
  23. انت احسن شاعر ياهشام انا من اشد المعجبين بيك بجد بموت في شعرك بطلب من كل محبينك ومعجبينك انهم يصوتولك في برنامج امير الشعراء لانك مش بس امير انت برنس الشعراء بجد تستحق ده واكتر كمان

    ردحذف
  24. ربنا يحميك لمصر والمصريين لان مصر طول عمرها بنائه ربنا يوفقك ويكملك بفصاحتك وشجاعتك الاء

    ردحذف
  25. بصراحه انا بلاحظ ان هشام بيتكلم مع الذيعه عادى ولكن وقت ما يبدا الشعر بحس انو جتلو حاله يعنى موش قادر اوصفها بس بجد موهوب

    ردحذف
  26. هشام ممتاز بجد ربنا يوفقه

    ردحذف
  27. جميل ياهشام

    ردحذف
  28. بجد الله يباركلك ويحميك انت بجد رائع جداااااااااااا

    ردحذف
  29. انا بحبك ياهشاموانت بجد تتحب وشعرك جميل جدااااااااااا

    ردحذف
  30. صرخ من الالم .الدنمارك ورئيس الوزراء والقناة الدنماركية يسعون إلى إيقاف المقاطعة ، وصلت الخسائر إلى 2 مليار يورو وإذا استمرت المقاطعة فتصل بعد 7 أشهر إلى 40 مليار يورو ، أنشر لرفع المعنويات ليعلموا قدر ديننا ، إنشرها ولا تبخل على الرسول صلى عليه وسلم

    ردحذف
  31. انا بجد انا اعتبرتك مثلى الاعلى لانى بحب الشعر وبكتب كمان ونفسى اكون زيك

    ردحذف
  32. بصراحة انا اول مرة فى حياتى اشوف حد بيتكلم بالاحساس الجميل ده ربنا يخليك لمصر ولينا وانشاء الله ستاخذ لقب امير الشعراء

    ردحذف
  33. من صغرى وانا بكرة الشعر والادب واحمد شوقى والشعر الجاهلى و الحلبنتيشى بس بجد لما سمعت كلامك مش هاسمع اى شعر لحد تانى لانة مش مش كلام هايف زى اللى بنسمعة
    .... احمد محمد سعيد

    ردحذف
  34. والله احنا زعلانين اوي انت المفروض بجد تاخد المركز الاول وتستحق تبقي امير شعراء العصر الحديث

    ردحذف
  35. هشام صحيتنا كلنا شكرا

    ردحذف
  36. ايه ياعم غريب الجمال ده
    مانت اهوه مش غريب ولا حاجة

    ردحذف
  37. انا من عائله ابوجاموس البحيره واحنا دائما نسمعك وان شاء الله انتا امير شعراء مصر والعالم العربى وقلبى

    ردحذف
  38. بموووووووووووووووووووووووووت فيك

    بس

    ردحذف
  39. هشام انتى اجمل شاعر اسرنى باسلوبة و احساسة و كلماتة

    ردحذف
  40. وجودك يا شاعرى فى الحياة
    له حكمة فى الدنا
    والوجود
    فانت الذى من خلال الظلام
    تنير طريق الربا
    والنجود
    وانت الذى من ثنايا صفائك
    تمحو عن الناس كل القيود
    وتبصر دمع الشقايا الحيارى
    فتبكى لدمع الحيارى
    صديد
    ويصهر حسك مراى العبيد
    فتحطم بالحب
    قيد العبيد
    وترنو الى الظل فوق الورود
    فيبهرك الطل
    فوق الورود
    وتصنع فوق اطار الفناء
    اطارا جميلا
    لمعنى الخلود

    ردحذف
  41. محمد جمال المقدم12 مارس، 2011 10:04 م

    شكرا لاك لانك حسستهم بابناء سوهاج انهم مبتكريين

    ردحذف
  42. واللة ياهشام انت باشا البرنس احمد جميل

    ردحذف
  43. والله لو علّقت على هذه الكلمات لقلت كبيرة .......ولو علقت على هذه الأشعار لقلت جميلة.........اذن يا هشام الجخ أنت شاعر المليون بدون تأشيرة.

    ردحذف
  44. لازم بخلوك امير الشعراء انت تمام

    ردحذف
  45. الله يبارك فيك ياشيخ روح ربنا يعطيك العافيه ولا يديك الهم ابدن ربنا يديك السعاده على كل حرف جولته وربنا يبارك فيك يا شيخ انا مش عارف اقول ايه والله بس كل القدر اقوله ربنا يديك الصحه والعافيه وتجولنا اكتر واكتر

    ردحذف
  46. عيبك انك اهلاوووووووووووووووووى

    ردحذف
  47. بجد هشام ممتاز بحب كل حبيب

    ردحذف
  48. بحبك يا هشام كتير يا امير الشعراء

    ردحذف
  49. والله بهشام انت شاعر ملكش حل وانا اخزتك قدوه وانا بكتب شعر ومن قصيدى قصيده باسم نفس الصور قصيده رومانسيه

    ردحذف
  50. والله الجخ اجمد شاعر فى العالم واناطلعت بالقصائد بتاعتك فى حفلتى

    ردحذف
  51. بالتوفيق يا هشام

    ردحذف
  52. واللة انت اجمد شاعر ربنا معاك ويوفئك

    ردحذف
  53. لاأعرف ماذاأقول بعد أن قيل فيك ولكن طبعا هذا لست ببعيد عن أهل مصر فأنت مصرى أصيل وكل ما تكتب ما هوإلا نابعا من قلبك فنصيحه منى لا تبتعد ابدا عن قلبك بل عيش فى داخله فهو أجمل وساده رأيتها فى حياتى (ربنا يرعاك ويجعلك دائما تقول ماهو الصالح للبشر اجمعين )

    ردحذف
  54. جميل يااستاذ هشام ونابع من الوجدان

    ردحذف
  55. جميل المشاركه القصائد جيده

    ردحذف
  56. يا هشام انا والله بحبك ومش بقعد على النت الا علشان اسمعك وربنا معاك ويوفقك ويباركلك انا مش بعرف اتكلم بس بجد انا بحبك بحبك بحبك بحبك

    ردحذف
  57. حقيى شاعر رائع جدآ وكلمات شعرك جميله جدآآآحقيقى شاعر ملكش حل وكلماتك تدخل القلب

    ردحذف
  58. هشام الجخ من خيرمن أنجبت مصرفى الشعر

    ردحذف
  59. قصائد جميلة

    ردحذف
  60. فنان والله امير الشعراء يا اتش

    ردحذف
  61. اشعارك يا هشام بتحسسنى انى لسة عايش كل ما اسمعها بحس ان مصر بتتكلم عن نفسها بحس انى عايز اقول الكلام اللى انت بتقولوا بحس ان الكلام خارج من جوه روح كل مصرى............. ربنا يوفقك

    ردحذف
  62. طوفي ولفي وعني ماتخفي
    اللي بعدي تشوفيه
    راح تشوفي قلوب خداعة
    حبها ميخدش اكتر من ساعة
    ولما تحسي انك متباعة قلبي هتفتكريه
    حبي غرورك حبي جنونك حبي اللي تحبيه
    قلبي خلاص معش يصونك من بعد ماخنتيه
    طارق السعودي ( القاهرة - مصر )

    ردحذف
  63. ياه يا شاعر الشعراء يا امير الامراء يا حكيم الحكماء كلمات تنزل الدمع الغزير كلمات بصراحة ليست لدي كلمات تصف شعوري

    ردحذف
  64. بارك الله فيك يا هشام

    ردحذف
  65. فعلا ما يخرج من القلب يصل ال القلب ربنا يحميك شعرك رائع وادائك اروع

    ردحذف
  66. عنجد انت شاعر رائع جدآ وبحترمك وبحترم الشعر العربى

    ردحذف
  67. انت اروع انسان كلامك بيوصل للقلب على طول من تمثيل ولا زيف وعلشان كدة انت محبوب جدا للناس ربنا يحفظك ويحميك

    ردحذف
  68. محمد زنقير6 مايو، 2011 1:51 ص

    كلام معبر ينم عن شاعر موهوب ومثقف ومبدع فى الكلمات والخيال والتصوير

    ردحذف
  69. مصر دائما وابدا تحدث بها ولاده تغير من العالم المحيط بها وتنجب رموزا لا يستهان بها وتحب من يعملو من اجلها فهنيئا لمصر بك وهنيئا لك بها

    ردحذف
  70. تسلم ايديك ياحريف الله ينور عليك

    ردحذف
  71. والله انتى رائع

    ردحذف
  72. عن جد انت شاعر جامد جدا انى من دمن الناس البيحبوك وبيحبو قصيدك اوى اوى اوىاوى......................

    ردحذف
  73. محمد عكارة14 مايو، 2011 1:59 م

    انت ساعر جميل

    ردحذف
  74. الله ينور عليك ياهشام

    ردحذف
  75. انااحب شعرك كثيرا واريدك ان تكون احسن شاعر فى العالم وانا من عائلة القاضى

    ردحذف
  76. انااحب شعرك كثيرا وانا عمرى 10 سنين طه الا مين اسماعيل القاضى

    ردحذف
  77. جميل بالتوفيقان شاء الله

    ردحذف
  78. جميل جدا

    ردحذف
  79. كتبت فابدعت والقيت فابكيت قلوبنا قبل اعيننا

    ردحذف
  80. اكرم ابو الدهب25 مايو، 2011 7:17 ص

    قلمى حر ولكنه يعجز عن الكتابه فوصف المستحيل اسهل ما يكون ووصفك ........

    ردحذف
  81. انامبحبكششششششششششششششششششششششششششش

    ردحذف
  82. السلام عليكم والله كل شعرك رائع كل شخص يسمع او يقرا قصائدك يحس كانه هو من يتكلم... شكرااالأسطورة الشعر العربي

    ردحذف
  83. انصحك يا هشام بكل اماتة لا تتعالى ولا تتكبر على الناس ولا تبديها ابدا فانها آفة خطيرة ....انصحك بان تحترم هذه الموهبة التى وهبها الله لك وان تفكر فى طريقة كيف توصلها للناس كى يستفيدو منها .... انها موهبة ليس لك لوحدك وانما هى للناس ...وانها جاءت مع توقيت الثورة المصرية المباركة التى هى ايضا من الله سبحانه وتعالى .... لذلك اقول لك بكل امانه صون هذه الامانة التى منحك الله اياها .... وقوم بتوصيلها للناس بكل امانه بعزة وكرامة ..... ولا تعطها لمن هب ودب ... ولكن باسلوب فيه احترام هذه الامانه وفى اوقاتها المطلوبة ... حينئذ سيزيدك الله منها ويبارك الله لك فيها ... ثم اشكر الله على هذه النعمة اولا وتقرب له لان الله اختارك لها .
    برجاء من السادة القائمون على هذا المنتدى توصيل هذه الرسالة الى الشاعر الجميل هشام الجخ لانها امانة ايضا
    وشكرا

    ردحذف
  84. ربنا يوفقك ياهشام

    ردحذف
  85. انت اروع شاعر سمعتة وبجد انت هايل

    ردحذف
  86. احمد عثمان2 يونيو، 2011 7:21 م

    انت ياهشام عبرت عن الشعب
    المصرى

    ردحذف
  87. بحبببببببببببببببببببببببببببببك

    ردحذف
  88. أنابكتب شعر زيك وعاوز أكون هشام الجخ رقم 2 فى مصر

    ردحذف
  89. بحبك يا جخ


    شعرك أجمل شعر

    ردحذف
  90. أنتا الجريء الي فيهم عبرت عنا بدون خوف يا جخ ياابو الجرءة

    ردحذف
  91. احمد شرقاوي6 يونيو، 2011 2:23 م

    ياجخ يالي شعرك يستحق لقب شعر الغلابا والله أنتا الي فيهم

    ردحذف
  92. أحمد شرقاوي6 يونيو، 2011 3:08 م

    سمعت قولك يا جدع قام أتوجع قلبي
    قبل عيني دمع اللي قاعدين جنبي ****
    مافهمو سبب دمعي فاكريني في حجك أنا بلبي
    مسكت تاني القلم** حلفني لاتخاطبي**بياع كلام**بياع اّلاّّّم من غيير ملام
    لكن باجخ دا جخ**كلام في كلام أصحى عليه وأنام**وياجيني في الأحلام واصحى أقول ياهشام شايل هموم الوطن ولا ده بس كلام؟؟؟؟؟؟
    هيجت بحر الهموم جوايا بذياده ....
    بقلبي كنت أسمعك..ماسكه الريـموت وباقول سكوت.... عايزه أسمعك ..وأسمعك...وأسمعك واسكّتك وأقولك كفايه بذياده...
    عرفت تعزف عالوتر.. بس دا عزف من غير نشاز!!! دا اعجاز !!!! يا ربي مش ناقص الغاز ؟؟؟ولا دا غاز ؟؟من اللي نشمه نتسطل ؟؟ ولا تكون انت البطل ؟؟؟؟؟
    يمكن ماهي مصر ولاده ...............؟
    حاساك انا ******** حاباك انا ******** ومصدقاك ...بس في زمان الهلاك نشوف ملاك !!!!!!!!!! ليه لأ ؟؟ مالورد دايمايتولد في حضن شواك ؟؟؟
    يا هشام ... اياك تطلع زيهم اياك ..تشبعنا كلام..كلام تملا جيوبك وعلي ريش نعام وتنام ..سمعني قولك ياجدع ...احسن دا مارد جوايا صحي ما راضي ينام
    ............. عبيــــــــر .... منتظرالرد؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

    ردحذف
  93. والله يااستاذ وشاعر وطبيب الغلابه وكل احساس جميل انت بكلامك هذا تداوى القلوب
    بجد ياهشام انت هاويس الشعر المصرى والعربى وانت تتحب من القلب

    ردحذف
  94. الله عليك ياجخ

    ردحذف
  95. انا مسمعتش شاعر زيك

    ردحذف
  96. الله عليك وعلى شعرك يااءمير بجد امير

    ردحذف
  97. انا ارجوك يا هشام انك تعمل موقع تحط عليه كل قصائدك

    ردحذف
  98. حلووووووووووووووووووووووووووووووووووووووو
    قوي يا هشام الله يباركلك يا ابني

    ردحذف
  99. بجد انت انسان جميل وجواك اجمل ربنا يحميك يا اتش وانت فى قلوب العالم كله يا ابن بلدي

    ردحذف
  100. مريم محمد فوزي12 يونيو، 2011 10:39 م

    هشام الجخ شاعر لا يوجد مثلة لانه شاعر بجد هو الذي جعلني اعشق الاعشار

    ردحذف
  101. علي ممدوح (alis166@yahoo.com(18 يونيو، 2011 5:24 م

    هشام الجخ اسم مش عادي بسمعة بحس إن كلامة بيرجعلي روحي

    ردحذف
  102. انت جااااااااااااااااااااااااااااااااااااااااااااااااااااااامد اووووووووووووووووووووووووووووي ياهشا

    ردحذف
  103. خالدعلام

    انت جااااااااااااااااااامداووووووووووووووووووووووووي ياهشام

    ردحذف
  104. الشعر فعلا فن وهو شيئ صعب والاصعب ان يكون هناك شاعرا ولكنك يا هشام حقا امييير الشعراء وربنا يوفئك

    ردحذف
  105. يا جااااااااااااااااااامد

    ردحذف
  106. You are a professor of global

    ردحذف
  107. ميه ميه يا هشااااااام

    ردحذف
  108. احسن شاعر سمعته هو هشام الجخ /ابو احمدبني سويف

    ردحذف
  109. فولا عليك

    ردحذف
  110. والله ياهشام انت بتقول كلام جونامقدرين نعبر بى ااالله ينور عليك

    ردحذف
  111. انا بحبك

    ردحذف
  112. الله أكبر عليك ياهشام والله أحسن شاعر فى الكون

    ردحذف
  113. انتظار بلا موعد هشام الجخ

    ردحذف
  114. انا بحبك اوييييييييي

    ردحذف
  115. يا هويس بنحب نفتحك ثنة ثنة أحسن تغرقنا داللى يغرق فى شعرك يغرق ما يطلعش تانى هيعيش فى دنيا الاحلام و الامانى "صعيدى أعمامه من قنا و أخواله من سوهاج بيموت فيك "

    ردحذف
  116. هشام هويس الشعر العربي هو من احسن الشعراء الذين سمعتهم اشعاره ايس لها مثيل و كلماته تجعلك تشعر كانك تري كل ما يقوله وفي النهاية اشكره علي كل هذه الشعار الممتعة

    ردحذف
  117. بجد مش كلام هشام صرخت الجيل ...........................شكرا

    ردحذف
  118. شاعر ولاكل الناس جوه قلبك احسن احساس رويت عطاش الناس بكلام زى الدهب والماس حسيت بلى جواك وانا بصرخ من الاحساس شيعرك جميل وكلامك جميل بجد يتاقل بلدهب والحرير

    ردحذف
  119. انا سوداني...بس ابكمتنا و ابكيتنا يا شاعر المغلوبين

    ردحذف
  120. الله يخليك يا هشام يا جخ

    ردحذف
  121. الله يحميك يا هشام الجخ

    ردحذف
  122. برافوا يا استاذ هشام

    ردحذف
  123. من حقق تكسب امير الشعراء من غير ماتشترك فى المسابقه

    ردحذف
  124. انتا برنس

    ردحذف
  125. هل الاحساس بالشعر شئ فضولي

    الناس تحكي والعنف يسير ومن راي منكم شي فهو زليف ومن يحكي علي الي جواه شي لطيف والناس تحكي والعنف طليق

    والناس تقول
    العلم اسري والناس يبكون من الخوف من والعنف غريب والشعر قصير والناس تسير في شوارعها ممتلئ الجيوب في قصائدها

    ردحذف
  126. جااااااااامد جداااااااااااااااااا

    ردحذف
  127. انابحبك ياهشام انت رمز من رموز مصر

    ردحذف
  128. يالك من شاعرفصيح سعدت بقرات كلماتك العزبة الجميلة

    ردحذف
  129. اول مره اسمعلك وانا بعترف ان ده جهل منى لانك بجد ابكيت قلبى قبل عينى ياهشام كلامك ده مش طبيعى علامك ده نابع من قلب حسه مرهف جدا (احمد من بورسعيد)

    ردحذف
  130. من اجمل ما سمعت فى حياتى ربنا يوفقك

    ردحذف
  131. انابحب قصائد الشاعر الكبير جدا هشام الجخ واتمنى له ان يكون احسن شاعر فى العالم وليس فى الوطن العربى فقط

    ردحذف
  132. هو دا المصرى هو دا ابن مصر الشجاعة والرجوله فى كل شيئ ما يخاف من شيئ سوى الله اشكرك يا هشام لانك اجمل مثال لشباب مصر سما بنت مصر

    ردحذف
  133. انت اجمل مثال لشباب مصر هما دول شباب مصر يالا كل شاب يخرج موهبته خلى العالم يعرف مين هما شباب مصر شكرا يا هشام انت مصدر فخر لمصر وانا بنت مصريه

    ردحذف
  134. والله تعبنا بجد رايحه فين يامصر

    ردحذف
  135. بجد شعرك شعرك جميل اخر حاجة

    ردحذف
  136. جبارررررررررررر و ناااااااااااااااار

    ردحذف
  137. السلام عليكم ورحمة الله وبركة رسالة محبة الى أجمل شاعر ابن مصر الغالى أنت بجدتعبر عن شعبك وانت مثل النيل

    ردحذف
  138. بارك الله فيك

    ردحذف
  139. محمد الشغبى23 سبتمبر، 2011 2:11 م

    هشام نطق بلسنا كلنا لاننا بنحب البلد دى ونعشق ترابها اللى هان على كلاب زمن مبارك الملعونين الى يوم الدين ...حفظك الله يابن النيل وابن هذا الزمان ... محب لك جدااااااا محمد الشغبى من قنا اسنا ..الشغب

    ردحذف
  140. حماك الله يا هويس الشعر العربي
    ساطع

    ردحذف
  141. اشعارك جميل اوى يا هشام ربنا يحميك
    I LOVE YOU

    ردحذف
  142. بجد انت احسن واجمل شعر انا سمعته انا اصلا بكره الشعر لكن حبيته منك ربنا يوفقك

    ردحذف
  143. شعرك جميل و رائع احييك

    ردحذف
  144. قصائدك رائع و جميل احييك

    ردحذف
  145. بجد انت موهبه جميله

    ردحذف
  146. بجد اجمدد شعر هشام الجخ ربنا يحميك

    ردحذف
  147. انت حالة جديدة

    ردحذف
  148. أنا ما عاصرتش ألأستاذ أحمد ثوقى بس حسيت هشام لأنى مصرى حر ابن مصرى حر وبحب كل الشعوب العربيه و بتمنى تماسك و تشابث و تكاتف الوحده مش الوحده الوطنيه زى ما كانو ب يقولو لا الوحده العربيه.
    علشان كده انا مع انى واحد عادى بس
    بهدى وسام امير الشعراء
    الى هشام الجخ

    ردحذف
  149. بجد شعر جميل جدا ننتظر المزيد

    ردحذف
  150. بجد انت شاعر جميل وبجد بتاثر فينا

    ردحذف
  151. هشام ربنا يكرمك اخوك فى الله محمد حسن

    ردحذف
  152. احمد عبد الشافي10 يناير، 2012 1:11 م

    بسم الله انا احمد عبد الشافي 38 سنة صدقني يا هشام انا بقول انك سبب رئيسي من اسباب الثورة با رائك الصريحة والقبيحة ارجو انك تستمر علي نفس الصراحة والبجاحة في تفجير المشاكل اللي ماكنش حد بيقدر يتكلم فيها اشكرك علي ( هي دي مصر ) يا اجمد شاعر في العصر الحديث
    ثبت الله اقدامك دعوة بظهر الغيب من اخ

    ردحذف
  153. انا احب الشعر عندما استمع اليك واعشق عيونك واعشق مصر عندما احس بكلامك

    ردحذف
  154. بحبك ياهشام احساسك عالى واحساك راقى

    ردحذف
  155. فعلا الشعر جبان بس انت جرىء ربنا يعينك ويحفظك ياهشام
    انا بحبك اوى وكلنا وراك لانك بتحس بينا
    ابكيتنى وابكيت كل من صمت ليستمع اليك
    الله الوطن هشام الجخ

    ردحذف
  156. شعرك جميل اوى

    ردحذف
  157. ايه الجمال ده

    ردحذف
  158. حقيقي انت موهوب

    ردحذف
  159. صح انت ابن مصر والصعيد

    ردحذف
  160. انت موهوب

    ردحذف
  161. يارب النيا كلها تسمع اشعارك وروائعك

    ردحذف
  162. بارك الله فيك ياوليدى

    ردحذف
  163. جمييييييييييييييييييييييييييييييييل::::::::::::::::::

    ردحذف
  164. بحب هشام موووووووووووووووت وبحب قصيده كلها وبقيه له وبف كمن وعمر 13سنه

    ردحذف
  165. احمد اشرف الحداد14 مارس، 2012 12:01 م

    والله انت مثل اعلى لكل شباب الوطن العربى
    ربنا يحميك

    ردحذف

الاعلي